Xitoy, Germaniya, Chexiya, Qatar va BAAdan tashrif buyurgan elchilar AIRITOM Free Zonega tashrif buyurdilar.

Xitoy, Germaniya, Chexiya, Qatar va BAAdan tashrif buyurgan elchilar AIRITOM Free Zonega tashrif buyurdilar. Delegatsiya a’zolari O‘zbekiston Tashqi ishlar vaziri Baxtiyor Saidov, Surxondaryo viloyati hokimi Ulug‘bek Qosimov va Afg‘onistonning vakili Ismatilla Irgashev hamrohligida erkin zonaning konsepsiyasi bilan tanishdilar.

Tashrif davomida mehmonlar — @hgi_termez_airitom mehmonxonasini, @akfa_medline_airitom tibbiyot klinikasini, biznes maktabini, yirik savdo markazini, restoranlar, hostel, ishlab chiqarish tsexlarini, shuningdek, logistika markazini ko‘zdan kechirdilar. Delegatlarga erkin zonada mavjud shart-sharoitlar, imkoniyatlar va amaldagi imtiyozlar namoyish etildi. Shuningdek, ular, O‘zbekiston va Afg‘onistonni Amudaryo orqali bog‘lab turgan «Hayraton» ko‘prigi bilan ham tanishdilar.

Shundan so’ng elchilar AIRITOM Logistics transport-logistika markaziga tashrif buyurishdi. Mazkur markaz 50 gektarga yaqin yer maydonida joylashgan bo‘lib, har biri 6 ming kvadrat metrga teng bo‘lgan to‘rtta angarni o‘z ichiga oladi, omborlarning umumiy sig‘imi esa 1,5 ming tonnani tashkil etadi. Ushbu transport-logistika markazi O‘zbekistondan tovarlarni qo‘shni davlatlar va xalqaro bozorlarga xavfsiz hamda ishonchli yetkazib berishda muhim rolga egadir.

AIRITOM Free Zone xalqaro hamkorlikni rivojlantirish va iqtisodiy aloqalarni mustahkamlashga yo‘naltirilgan. Ushbu hamkorlik O‘zbekiston va ishtirok etayotgan mamlakatlar o‘rtasidagi munosabatlarni mustahkamlabgina qolmay, balki biznes uchun va mintaqaga investitsiyalar kiritilishida yangi imkoniyatlarni yaratadi. Erkin zonadagi infratuzilmalarni rivojlantirish hamda tadbirkorlar uchun yaratilgan qulayliklar, yangi investorlarni jalb qilishga va mamlakatda iqtisodiy o‘sishni rag‘batlantirishga xizmat qilishi

Hurmatli vazir zonadagi amalga oshirilayotgan joriy faoliyat, shuningdek, afg‘onistonlik tadbirkorlar hamda mehmonlar uchun yaratilgan shart-sharoitlar bilan yaqindan tanishdi. U erkin iqtisodiy zonada ishlarning tashkil etilish darajasini yuqori baholab, “AIRITOM Free Zone”ni kelgusida yanada rivojlantirish maqsadida amalga oshiriladigan ishlarda har tomonlama ko‘mak ko‘rsatishga tayyorligini ta’kidlab o‘tdi.